Lejĉ: Recepto por Nova Jaro

Aŭtoro: Carlos Drummond de Andrade

El la portugala al Esperanto tradukis: Jozefo Lejĉ
La tekston de Drummond afable sendis min amikino Marijane.

Por vi gajni belegan Novjaron

kun ĉielarka koloro aŭ de la koloro de via paco,

Novjaro nekomparebla kun la tuta tempo travivita

(eble ne kontentige ĝuita aŭ eĉ sencela).

Por vi gajni jaron

ne nur novfarbitan, haste fliktita,

sed nova ekde la semetoj de la estonteco;

nova

eĉ en la kerno de la plej diskretaj aferoj

(inkluzive de via interno mem),

nova, spontana, tiel perrfekta, ke ĝin oni ne rimarkas,

tamen kun ĝi oni manĝas, promenas,

amas, interkompreniĝas, laboras,

vi ne nepre drinku ĉampanon aŭ alian

drinkaĵon,

ne nepre vi devas sendi aŭ ricevi mesaĝojn

(ĉu planto ricevas mensaĝojn?

sendas telegramojn?)

Ne gravas

fari liston de farindaĵoj

por enarkivigi ĝin en keston.

Ne gravas penti kaj plori

pro senbezonaj konsumaĵoj

nek naive kredi,

ke pro dekreto de la espero

ekde la unua de januaro la aferoj ŝanĝiĝu

kaj estu ĉio klareco, rekompenco,

justeco inter homoj kaj nacioj,

libereco kun odoro kaj gusto de frumatena pano,

rajtoj respektataj, ĉefe

la plej sublima rajto vivi.

Por gajni Novjaron,

kiu indas esti tiel nomita,

vi, mia kara, devas esti inda je ĝi,

vi devas fari ĝin nova, kompreneble tio ne facilas,

tamen konscie provu, eksperimentu.

Ĉar ene de vi mem la Nojaro

eterne fordormas dum atendas vin.

Lejĉ